Сомона барои кумак ба пажуҳишгарон
Сомонаи "ГУНДИШОПУР" барои кумак ба пажуҳишгарон ва ҳамаи онҳое, ки чизе менависанду чизе эҷод мекунанд, роҳандозӣ шудааст. Пажуҳишгарон метавонанд дар ин сомона фаъолияти худро мудирият карда, ҳисоботро ба таври худкор ба раҳбарони лоиҳаҳои илмӣ расонанд. Сомона аз қисматҳои "Виростор", "Вожасанҷ", "Эҷодиёт" ва "Блог" иборат мебошад. Маводи дар қисмати Блог гузошташуда бе сабти ном дастраси хонандагон, мегардад. Шумо метавонед блоги шахсии худро дошта бошед ва ҳама маводи эҷодиятонро нашр намуда, линкашро ба дӯстон ва корфармоён равон намоед. Эҷодиёти шумо дар як саҳифа нигаҳдорӣ мешавад, ки дар якҷоягӣ барои худ ва дигарон дастрас мебошад.
Виростор
Навиштани матнҳо ва ҳифзи онҳо дар торнамо барои дастрасии осон ба онҳо аз ҳар ҷою макон. Санҷиши мантҳо барои пайдо намудан ва ислоҳ кардани вожаҳои хаторафта дар ин виростор имконпазир аст.
Вожасанҷ
Санҷиши мантҳо барои пайдо намудан ва ислоҳ кардани вожаҳои хаторафта аз файлҳои "MS Word" ва ҳифзи онҳо дар ҳамон формат.
Эҷодиёт
Пажуҳишгарон фаъолияти худро дар ин ҷо мудирият менамоянд. Корҳои иҷрошударо аз ҳар ҷое тариқи телефон ё планшет ё компютер сабт карда, ҳар лаҳза ҳисоботи худро мегиранд ва ё ба раҳбарони лоиҳа дастрасӣ медиҳанд, то онҳо худ бевосита истифода намоянд.
Блог
Ҳар як эҷодкор бояд равзанае дошта бошад, ки хонандагон ҳама маводи ӯро дар як ҷой дастрас карда тавонанд. Дар ин қисмат ҳар як пажуҳишгар метавонад блоги шахсии хешро дошта бошад. Мақола, китоб, шеър, навор, тарҷума, баргардон ва тақризҳои навиштаи худро мунташир карда ба хонандагон расонад. Блоги шахсӣ муаррифгари ҳар як эҷодкор буда, нуқтаи назари ӯро ба ҷомеаи имрӯзу фардо мерасонад.